Ħafna jistaqsu: "X'inhi 'kartolerija'?"

KARTOLERIJA

[Kɐrtɔlεrɪjɐ] nom

1. għodda għall-kitba bħal karti, lapsijiet u pinen;

2. prodotti oħra tal-karta bħal pitazzi, kartolini u        djarji;

3. aċċessorji ta’ fuq l-iskrivanija bħal kontenituri           tal-lapsijiet u kalendarji;

4. kwalunkwe oġġetti oħra li jagħtuk l-impressjoni      li int organizzat;

5. magħrufa wkoll bħala stationery

jannar.png
gallarija.png
TORN%20PAPER%20EFFECT%20(transparent)2_e

Min Aħna

Il-KARTOLERIJA ta' Lara hija r-riżultat tal-imħabba tagħna lejn il-lingwa u l-kultura Maltija u dak kollu li jagħmel il-ħajja iktar organizzata - il-ħolma tagħna hi li nkabbru l-użu tal-lingwa Maltija fil-ħajja tagħna ta' kuljum!

 

Il-ħanut tagħna bħall-istaġuni – jinbidel kontinwament skont iż-żmien tas-sena! Jekk hux djarju għal sena ġdida, jew xi kartolina għal dak l-awgurju speċjali, Il-KARTOLERIJA ta' Lara dejjem lesta b’xi ħaġa unika u bil-Malti!

Il-Fundatriċi

Minkejja r-rivoluzzjoni diġitali, għal Lara l-ebda teknoloġija jew app ma tieħu post il-karta u l-pinna! Bejn kitba u bejn taħżiż, hi tgħid li l-karta hija riflessjoni tal-karattru tal-individwu. Il-lingwa Maltija hija għal qalbha ħafna iżda, mill-aħħar eżami tal-Malti, ftit li xejn prattikat dak li tgħallmet għax bħall-maġġoranza, dejjem għażlet it-triq il-faċli… u addio l-‘għ’ u l-‘h’!

 

Iżda meta għamlet il-pass li tiftaħ il-linja ta’ kartolerija iddisinjata minnha; kemm għax kienet ħolma sa minn dejjem, kif ukoll minħabba il-ftit (jew ħafna) sinifiteti tagħha fejn jidħol disinn u kontenut, id-deċiżjoni kienet li: kollox ikun bil-Malti!

 

L-ideat tagħha huma ispirati mil-ħajja Maltija u dak kollu li hu għal qalbha – li jinkludi l-arti, il-qari u s-safar fost affarijiet oħra. Ma jonqosx xi kliem ta’ motivazzjoni mitfugħa ’l hemm u ’l hawn għax temmen li huma dawk il-kliem li jżommuha għaddejja f’mumenti ta’ qtigħ il-qalb.

 

Fl-aħħar iżda mhux l-inqas, Lara tgħidilna li l-oġġetti f'Il-KARTOLERIJA ta' Lara mhumiex sempliċiment xi suvenir ta’ Malta – iżda huma magħmula għal dawk kollha li jħaddnu u jħobbu l-lingwa Maltija!

lara.png